今次由蔚南發起一齊學整餅，這款『白衣天使』很多人都想學，是用法國芝士做的，最愛芝士的我，幾難抗拒呢？
同學仔有蔚南、Rain、Sammi、sweet Irene、柏琪、王木木、ireneblue88。
教室：Coup Kitchen
因為與子曦爸拍拖17週年紀念，做這蛋糕送給我們作禮物啦！滿足、滿足。
蛋糕好清香芝士味，好滑，草莓與芝士好合拍，不太甜，不太肥膩。
今次學到的功課不多，但有點細節經亞sir講解後加深認識，都幾滿意。
海綿蛋糕做法真的很軟身、彈手，魚膠混合芝士糊時不會起粒，簡單的朱古力裝飾日後可以在家都做到啦！
可惜唧花不多經驗，所以裝飾不及亞sir的靚女呀！
看看亞sir的示範及作品。
我的實戰結果及作品，都交足功課啦！哈………
亦多謝妳們的禮物有：
Sweet Irene自製的XO醬
reneblue88的杏仁朱古力
柏琪的花花籃，包裝好靚呀！
蔚南的禮物包，好多謝你，你係咪想食肥我呀！哈……我最愛的骨瓷雪糕杯。
還有eRica幫我買的吐司切割器，
由samMi交給我的，謝謝你們呀！
好想快快做個吐司用它呀！
070708約好一班好友相聚，Cindy話要慶祝她出blog聚一週年，Cindy自從與我出過一次blog聚後，成個人都活躍起來，聚會多到不得了，哈……你男友真係多得我唔少啦！連返學都要走堂，你係得架。
主角有(Cindy, Katherine, Joey, PUCCA, Irene, 柏琪, A La Claire Fontaine, 芝麻綠豆官,靚表姨, 丁屎, G3A4, martinmak睿:[音:銳])
今次我們地點是在旺角的水瓶座，訂了一間大房，環境可以，食物水準幾高，真係看不出做得咁好味！而且環境自成一角，點玩都無問題啦！
但可借的是大多煙味，因為有個露天坐位，可以供食煙人仕專用，但跟本控制唔到啲煙吹入來，我真係有點受不了呀！
今天可以見返一年前的朋友，還有第二次出席blog聚的朋友，真係好開心，相聚總會令到朋友的友情加深認識，深信可以長久呀！
我這天掛住傾計，好少影他們大戰的相，你們想看就到cindy及丁屎 blog看看啦，好精彩架！
看看食物呀！
拌手禮！
joey的迷你小蛋糕，有13款，款款都唔同樣架，
一出場就全場嘩然呀！好吸引，
可惜我影得不好，你們去joey blog看看啦！
Irene的朱古力
芝麻綠豆官的餅乾
柏琪的合桃酥
靚表姨的曲奇
丁屎的蛋糕
Mui家姐雖然無出席，但都有禮物比俾我哋，好可愛呀！
這天亦是為Katherine慶祝生日呀！
借了Cindy的相片呀！Thanks！
可以出鏡的blogger，幾開心。
值得紀念的日子，
一早與子曦爸提過，
但他還記錯是6月10日，
係咪時間越長越會容易忘記某些日子呢？
哈……有時我都係架。
今天子曦爸請了假，但未知做什麼。
17年是不容易過，
但對我們是初戀更是踏入婚姻而又多了子曦，
相信是 神的恩典與祝福，
現今的社會又有幾多個家庭可以這樣美滿呢？
相信上帝是真實的，
是賜福給為 神作見證的家庭。
願 神繼續帶領我們一家，
能榮耀上帝，
事奉不停呀！
☆香芒椰子鬆餅☆
為了一週年BLOG聚做給你們的，喜歡嗎？
早早買定了這款玻璃杯仔，諗着做拌手禮，但想了很久，做什麼才襯得到呢？為什麼要買這隻杯，因為平囉，而且送了出去，還可以再用，幾環保。可以用來做凍餅、放雪糕、做果凍、做布丁，幾實用。
今次選了這款最近好多人用的芒果乾，做了這款鬆餅，椰子好香，芒果好味，子曦爸問還有沒有，無啦！用來做拌手禮架！下次做過你食啦！子曦爸說：「拌手禮！」，我心諗：「係咪想講：咁架形容架！」。
溫馨提示：
1. 芒果乾可以轉用其它乾果(杏脯肉、曼越莓、提子乾……等)。
2. 蛋加入砂糖不用完全打溶便可加入沙拉油拌勻，之後加入的材料用手動打蛋器拌勻其他材料會容易控制及平衡。
食譜：孟老師的100道小蛋糕
材料：
低筋麵粉 160g
泡打粉 1/4茶匙
梳打粉 1/8茶匙
雞蛋 2隻
砂糖 100g
沙拉油 100g(我用70g+30g椰漿代替)
椰漿 200g
椰子粉(絲) 80g
芒果乾 100g
椰子粉(絲) 適量(面裝飾)
步驟：
1. 所有粉類混合過篩；
2. 芒果乾剪成細條狀；
3. 蛋打散，加入砂糖打勻，加入沙拉油拌勻；
4. 再倒入椰漿轉用膠刮刀或手動打蛋器拌勻，加入椰子粉(絲)拌勻；
5. 分3-4次篩入粉類用膠刮刀或手動打蛋器拌勻至無粉粒，倒入芒果乾拌勻；
6. 倒入模中8成滿，面灑上椰子粉(絲)；
7. 預熱180度焙30分鐘；脫模放涼。
悄悄話你知：
以上的杯子只係用了$9.9，唔係一隻，一套有四隻，係咪好底買呢！
在那裡有售，就係在宜家傢俬，但如果你在碗碟食具的地方係找不到的，要在家居佈置，蠟燭台位，因為這是用來放蠟燭的，但亦可以作食具，但這隻杯子不能入爐架。
這天的天氣是雨後有史以來最好的一天，
雖然陽光充足，但並不太熱，還有涼風吹至，十分舒服。
今天假期，一早與子曦及子曦爸去飲早茶，但都十時了，叫做早加午餐就真，這是第一次一家三口飲茶，飲茶時子曦突然：「公公婆婆呢？」，相信他知道飲茶係會有公公婆婆一齊的，哈……子曦習慣了這個境像呀！飲茶後，我們向西貢出發，因為天氣非常好，最適合去海灘啦！
我們去西貢並不遠，一程車就到，但坐車時子曦瞓著了。到步後最好就食碗麵先，玩都有氣力嗎，但子曦仍然瞓得好甜，這個樣子就像他出世後8天時的睡樣，特別是個咀仔，好可愛。
未到沙灘，子曦就睡醒了，行下、看下狗狗，一到沙灘，子曦仍是不愛沙，不肯落地，不肯踏沙，要抱，唔係掛，又要抱，成個沙灘咁大，要抱着………氣死人。一有少少沙走了入鞋裡，又話好多沙要整走它，好污穢，真係無氣啦！
子曦爸早有預備，預備下水玩滑浪風帆，我們就坐在租風帆的地方的坐椅上，子曦當然坐着不肯落地。惟有坐下食下零食。
子曦爸係咪有姿態亦有實際呢？
不久，子曦習慣了這地方，所以抱他到拍在岸邊的雙體船坐，他柔然自德地坐着，都有成個鐘，還玩下水添。
子曦對腳好似大過我咁架！
還看見有两位法國人在預備玩風箏滑浪，這款風箏好大，足夠風起成個人，但在這裡玩，人太多都比較危險呀！風雖有，但只可以吹起風箏，並不夠吹起整個人，相信他們只是在練習呀！
☆煙韌杏仁乾果軟曲☆
母親大人生日飯沒有做蛋糕，但就做了這款曲奇給家人，大家都好喜歡，不太甜，煙煙韌韌，幾好味，但我覺得可以添加味道，及有一部分過耐，無咁軟身。下次爐溫要控制得好一點。
溫馨提示：
1. 時間一定要控制得好，11-12分是最適合，太耐就不煙韌了，而變得脆口啦！
2. 杏仁角預先用鍋炒香，稍為轉色便可，小心炒焦。
這天，配上maxim草莓奶茶飲品，
享受了一個人的下午飲，十分滿意呀！
這款maxim草莓味不及抺茶味，
但喜歡草莓的朋友都會喜歡，口感同樣好滑，好清香。
材料 : 可做25-38塊
牛油 110 g (放室溫放軟)
粗粒黃糖 110g
砂糖 80g
雞蛋 1 隻(稍為打散)
雲呢拿油 1/2茶匙
鹽 1/4茶匙
梳打粉 1/2茶匙
發粉 1/2茶匙(泡打粉)
低筋麵粉 225 g
胚芽 50g
杏仁角 50g
紅莓 乾 35g
無花果乾 35g(剪成細粒)
做法 :
1. 預熱焗爐190度，烤盤舖上牛油紙；
2. 把鹽、梳打粉、發粉、低筋麵粉同篩好備用；
3. 用電動打蛋器把牛油、黃糖、砂糖打至軟狀；
4. 蛋分2次加入(3)內，每次加入都要打勻，及加入雲呢拿油打勻；
5. 將已篩好的粉類加入(4)中，用膠刮刀攪勻至順滑；
6. 加胚芽、紅莓、無花果乾及杏仁角拌勻；
7. 將大約1湯匙的拌料放在預備好的烤盤，給它們空間擴張，用匙稍壓平，烤12 – 13分鐘或稍焦黃色並熟透，移到架上待冷卻。
