☆Pineapple Brownie鳳梨布朗尼☆

☆Pineapple Brownie鳳梨布朗尼☆

雖然Brownie我都做過很多次，但加了鳳梨果醬的Brownie，就從未見過，自從見過後就的念念不忘，今次專登做了鳳梨果醬，為的是想做書中的Brownie，真的等不到了，快快開工啦！

但這個食譜不是跟這本書做的，因為份量大。而這個步驟簡單，分量不多，亦不用半小時已經完成，快入爐等它出場啦！很香的鳳梨朱古力呀！

亦送了給團友仔作禮物，希望他們喜歡啦！

材料：3cmx8cm入爐紙模 12個或18cmx18cm鋁模一個

 

低筋麵粉        50g

泡打粉            1/4茶匙

甜朱古力        130g(66%)

苦朱古力        50g(70-80%)

無鹽牛油        100g

全蛋                2隻

砂糖                70g

鹽                    小許

蘭姆酒            1茶匙

核桃                40g

杏仁角            40g

鳳梨果醬        適量

預備工作：

1.      牛油及蛋恢復室溫；

2.      朱古力及核桃隨意切碎；

3.      低筋麵粉及泡打粉混合過篩；

 

步驟：

1.      朱古力隔熱水坐溶後；加入牛油拌勻至溶解後混合；

2.      全蛋放入另一盆內打散，加入砂糖打至變白，再加入鹽打至企身便可；

3.      倒入完全溶解的朱古力牛油用膠刮刀拌勻；再加入蘭姆酒拌勻後篩入粉類再拌勻至沒有麵粒；

4.      再加入切碎的核桃及杏仁角拌勻；

5.      用唧袋裝入糊類，唧入紙模內，鳳梨加入朱古力面上；

6.      放入焙爐用180度焙20分鐘；出爐放涼。大鋁模焙30分鐘。

 

☆鳳梨果醬Pineapple Jam☆

☆鳳梨果醬Pineapple Jam☆

為了想做鳳梨布朗尼Brownie，所以做定鳳梨果醬，最近發現多了一種加國鳳梨，細細果，無肉食，但唔知味道如何呢？行過超市，見到這個鳳梨特價，只淨一個，購$8，好！買你回家開工，但原來比想像中退色，不是太甜，但做果醬都還可以接受架！

八角只要在街市雜貨鋪就可以買到，超市多數無貨。

預備工作及溫馨提示：

 

1.      果醬玻璃瓶要先洗淨，用大火煮15分鐘消毒，再轉到120-130℃焙爐中加熱10分鐘，令到快速乾身，留在焙爐內留用，切記不可接觸凍水，一冷一熱，玻璃瓶會破裂。

2.      八角用攪拌機打碎留用。

3.      赴熱將果醬放入玻璃瓶內要有9成滿，加蓋返轉玻璃瓶放涼，會使內冷空氣排出，保持真空。

4.      或立刻放入熱水中用細火煮30分鐘，離水保持返轉放涼，放涼後你會見到玻璃瓶蓋(用的玻璃瓶蓋最好有凹凸顯示位)，做到真空的情況就是玻璃瓶蓋凹凸位凹了就是真空了。

 

食譜來源：熱情果醬

 

材料：

1.      鳳梨淨重          500g

2.      檸檬汁              15g

3.      砂糖                  150g(我只用130g)

4.      八角                  1.5g(1/4茶匙)

5.      粉末果膠          2.5g(我用果膠)

 

步驟：

1.      鳳梨去皮、去釘，切件後加少許鹽用食水洗一洗；

2.      再用攪拌機打成溶；倒入100g砂糖及檸檬汁拌勻，放入雪霜冷藏一晚；

3.      第二日，將鳳梨醬放入煲內煮沸，加入餘下30g砂糖、果膠，用大火煮沸，慢慢會出水及起泡；用細火繼續煮，將起泡的雜質拿走，要保持攪拌，直至沒有再起泡為止；

4.      煮至鳳梨醬有流質狀況，約15分鐘，熄火前加入八角粉末拌勻；

5.      立即倒入已經消毒的玻璃瓶內保存。

 

是日晚餐@章魚波波失敗篇

某日行過$10店，又見到章魚燒的鐵盤，

係……又見到，因為已經是第四次了，

第一次見，是賣$20，無諗過會買，

因為唔係太愛食，賣晒，唔使諗，

第二次又返貨，賣晒，又唔使諗，

第三次……唔見晒，明明見到返了貨架，好嘢！又唔使買，

第四次見到，原來放在食物個邊的架上，

放在預拌章魚粉的下格，

方便客人買盤時多選預拌粉，

好啦！見你咁多次，買包回家玩下先，

但這次這個章魚燒盤就賣成$30，貴咗！

 

買多幾款拌食香草，回家做飯開工，但原來比想像中難整，個盤不平，放在爐上會動來動去，應該一早又要買多個鐵網放在上面會安全啲。又控制唔到火力，大火又燒焦，細火又唔熟，油多又肥，無油又唔得會痴底，真係被它玩死，所以只有幾粒見得人咋，我都係唔適合在廚房開火的人啦！

 

同場加演，橋麥冷麵。

 

豆豉香蒜蒸大魚頭，子曦爸至愛。

筍盤@mega box

昨晚與litter four相約一齊行mega box，目的只有一個，就是這個超靚蛋糕盤，因為我們同一日不同時間都行過spotlight，同一時間看中這個蛋糕盤，但都被另一拌難倒沒有買，我就因為家中已經有一個，諗真一點又真係，無理由再買，但真係好喜歡，而且重係高身，有腳的，越諗越想要。

與little four傾開計，原來大家都想買，唔理咁多，約了昨天一齊去，不例外，因為是家庭，我們是一家人行動的，而這天亦是子曦、子曦爸與litter four的另一拌第一次見面的日子，原來他們都幾好傾，行街買嘢真係樂事，哈……哈……

講返這個蛋糕盤，我們選的是22cm，亦有一個是大的，相信可以放8寸蛋糕，但太大真係要換間大屋先襯得落，而這個細的價錢牌是$109，如果你有心買，你就自己看看選購啦！比錢時，包你開心到飛起。

 

但都想介紹一下，spotlight還有很多不同的蛋糕盤，亦好靚，亦不是太貴，你們看看，我同litter four冒着生命危險都影了两張相比大家看，哈……平時我真係唔會咁做，實在同litter four一齊咩都做得出呀！哈………

你看，這個玻璃透明蛋糕盤都好出眾，但實在太大，如果有細一個都會買呀！

你看，Joyce都有一個架…哈…………

 

還提提大家，想買快手，因為得返不多。