上星期五晚，放底家人，相約了3個朋友仔食飯，其中一位是他們不認識，但他們又想認真認識一下，之後的結局，就要你們待續啦！
我們選擇了這間意大利餐廳，環境一般，食物都一般，最出色是沙律。
橄欖油煮蕃茄
野菌薄餅小食
牛油果雞肉沙律，好可愛的迷你麵包。
四季薄餅，聽個名就知係有四種味道的薄餅。
千層意粉
意大利芝士餅Tiramisu
雲尼拿雪糕
尖沙咀亞士厘道35號 TEL：2317 7432
白金卡有九拆，多謝$49x
時間尚早，本來諗着回家，但他們興致勃勃話要去唱K，十年都唔去一次的K房，他們這樣高興，又點可以推遲呢？而且只有他們2男1女好像不太好，所以都去唱，係……係有唱架，但原來我發現自己真係不屬於K房，好多新歌都不懂唱，唯有聽多過唱啦！
驚嚇24小時？！？！
上星期五在家用餐，有2款餸，1款湯，湯是花生眉豆發菜雞腳湯，好味，因為我喜愛雞腳，所以食了4-5隻，還飲了1碗湯，這個晚餐用完後，同子曦瞓，起身收拾未飲完的湯放在雪櫃保存，當拿起湯料……發現…………
.
.
.
.
.
相片可能令人不安，如果怕的話，就不要看啦！
. . . . . . . . .
發現………一條疑似？？？尾………
.
.
.
.
.
.
心中發出好多個問號？？？？
亦想像出好多種小動物的尾？？？？
.
.
.
. . . . .
係咩呢架？？？？
好恐怖呀！
立即叫子曦爸來看！
他都話唔知！
我就講！「係咪老鼠尾呀！」
子曦爸：「唔知呀！」
我就講：「有毛架！」
子曦爸：「老鼠尾係尖又圓架，這條又唔係，平身又唔係尖架！你影底它比鐘點睇下呀！」
影完後：「好恐怖，你同我處理它啦！」
子曦爸：「係咪唔要啦！我倒了它啦！」
我就講：「緊係啦！唔通放條疑似老鼠尾响雪櫃嗎？」
你咁講，我更加會想到係老鼠……
當時越諗越想嘔，真係有氣嘔架，重有花生味添，死未……
其實點解唔同鐘點講，我怕她誤會，以為我哋會罵她，又因為我怕下次還有更多疑似東西。
後來，我同奶奶講，奶奶都心中疑惑，也想了一整晚，後來話比子曦爸知道。
奶奶講：「唔使怕，唔使驚，可能係豬仔尾呀！」
唔係嘩！豬尾，花生雞腳會有豬尾？
.
.
.
. . . .
.
.
.
第三日，終於忍唔住問一問鐘點！
我講：「個日煲湯有條………」都未講完。
鐘點：「係呀！豬尾呢架！」
我講：「點會得一條架，重要係咁短。」
鐘點：「我家姐買了好多，我取了两條來煲呀！我同子曦都食了好多，子曦問重有無添呀！我找來找去還有一小條找不到，咪就係這條囉！邊有咁多老鼠呀！我何來找老鼠呀！我整嘢好乾淨架，你放心啦！」
我講：「我唔知呀咩，還以為係老鼠尾，我倒咗啦！」
鐘點：「嘩……咁浪費呀！你唔打比我問呀嗎。」
我講：「都成11時多，都免打擾你啦！你下次都係唔好煲啦！恐死人呀！」
有咩理由煲湯落食材，連食的家人都唔知架……係咪好奇怪呀！
. .
今次由Joyce發起，目的是想請我們食鳥結糖，因為她好想，好想，所以就應承了她，問下一個，問下又一個，所以今次就越來越多blog友們出來，但我應承了她才知道自己教會舉行佈道會，本來想不來啦！但其中有blog友們拍晒心口話一定等我，幾夜都等我，哈…哈……令我受寵若驚，所以完了都必要出席，來到已經是10時20分了，但一坐下，真的好熱鬧，雖然遲，但亦感受到她們的喜悅，最終都傾到打烊先走人呀！
今次blog友們有 Joyce /查查 /貓姐 /Agnes /♡yoyo♡ /Angel /MC ，相約到金羅寶韓國料理晚膳，可惜我只食了小許食物，你看，來到見到枱面的碗碟，全部都十室九空，你們可想而知，她們幾飽，我有幾肚餓…嘩……嘩，不過我不是因為食物而來，而是一班好投契的Blog友們呀！想起又係喎！她們好似無收我錢呀！哈…哈……
第一次見貓姐同Agnes，我時時都入她們的blog，特別是貓姐，還以為她真係一個亞姐，我真係大錯特錯啦！原來係一位美小女；Agnes 原來同我住得咁近，亦一同坐車回家，真係開心，將來可以一齊整嘢食啦！
今次我都錯過了好多歡樂的話題，但我相信在不久的將來都會再見面，到時我唔會錯過啦！
我雖遲，但都見到她們的禮物放在枱上，係一座山，係一座食物山，好多，包裝得好靚。
Joyce的禮物袋，回家一拆，嘩……了一聲，真係好似聖誕老人派禮物咁，主角係鳥結糖，還有長條曲奇，两個禮物包裝袋及一包包裝紙袋，好靚，好開心呀！
貓姐的包包，真係好似，我一看時真係有想過係食得架，子曦好幸福，還多了一個甜甜圈比子曦呀！
Angel的貝殼蛋糕及曲奇，幾好味呀！我都要學點整先得！
查查的蛋糕，曾經都想過整，而家有得食，不用煩我啦！
Agnes亦有禮物包，有香蕉杏仁蛋糕及曲奇，還有鬆餅紙杯，可以開工做鬆餅啦！
MC出場，必有包王，當然有包包食啦！真係超軟，好好味呀！分了一份給子曦爸。
還有你為子曦親手織的冷衫仔，好靚，好柔軟，要等明年冬天先可以出場呀！原先托你讓支火槍比我，但又唔收錢，真係不好意思呀！重有蛋糕紙托，下次食飯我架！還有你的小禮物，手功好靚呀！
Yoyo雖然無禮物，但我哋唔會介意架，只要用心一齊就得啦！我哋等你個爐返來，一定食窮你呀！哈…哈……
我所預備的，希望你們喜歡，雖然果凍來到時有點溶，希望你們不要介意啦！
little four (小四)你真好好，人不到禮必到，
這個13度甜蘋果還未食，好感動，感動到唔捨得食呀！
楊太，好多謝你咁夜都送上班蘭葉，未入管理處，從玻璃窗望入都已見到一袋東西，心諗，係咪我呢？當然係啦！回家一開，好香班蘭味呀！個心就立即想，用來做怎麼甜品好呢？一時諗起好多款甜品，幸好你教我點保存，如果唔係就要快啲開工先得啦！哈…哈……
☆煙韌雜果乾軟曲☆
為了大家，做了這款軟曲，軟曲實在太好味，煙煙韌韌，只要選用不用的內餡，就能變化無窮，今次選用多款乾果，用來送禮，希望你們喜歡啦！
今次用了一個新買的肉鎚壓平曲奇，真係快靚正，只要壓一壓，用膠刮刀推出就係啦！
溫馨提示：
1. 時間一定要控制得好，12-13分是最適合，太耐就不煙韌了，而變得脆口啦！
2. 乾果剪開細細粒。
3. 出爐的曲奇是軟身的，所以小心放涼，冷卻後表面會稍為變硬為原則。
材料 : 可做32-40塊
牛油 110 g(放室溫放軟)
粗粒黃糖 110 g
白糖 110g
雞蛋 1 隻(稍為打散)
雲呢拿油 1/2茶匙(香子蘭油)
鹽 1/4茶匙
梳打粉 1/2茶匙
泡打粉 1/2茶匙
低筋麵粉 227 g
胚芽 35g
麥片 35g
紅莓 35g
杏甫 6個
無花果乾 35g
朱古力粒 40粒
做法：
1. 預熱焗爐190度，烤盤舖上牛油紙；
2. 把鹽、梳打粉、發粉、低筋麵粉同篩好備用；
3. 用電動打蛋器把牛油、黃糖、砂糖打至軟狀，加入雲呢拿油打勻；
4. 蛋分2次加入(3)內，每次加入都要打勻；
5. 將已篩好的粉類加入(4)中，用膠刮刀攪勻至順滑； 加胚芽、麥片及亁果拌勻；
6. 將大約1茶匙的麵糊放在預備好的烤盤，用匙壓平，放上朱古力粒，每塊留1cm空間擴張，烤12-13分鐘或稍為金黃色並熟透，移到架上待冷卻。
