星期六, 3月 08, 2008

☆鳯梨芝士蛋糕☆

鳯梨芝士蛋糕


最愛芝士,但就好耐無做這樣鬆軟的芝士蛋糕了,最近買了2kg(2000g)芝士,快快開工做多一點先得,今次做了25個迷你辦,送給子曦爸同事作下午茶,留了一個比子曦,自己都無得食呀!


但得來的反應係……嘩!這個我最欣賞呀!就係這種蛋糕,好好味呀!哈……想不到,越簡單的蛋糕,係最容易滿足人心呢!



溫馨提示:


1.      忌廉芝士要放回室溫。


2.      如果想忌廉芝士快些軟身,可以用鮮紙覆蓋好,放入微波爐叮1分鐘使其軟化。


3.      想檸檬榨得多汁,可以先開一半,用刀在檸檬的肉位切一刀,再用榨汁器鑽出檸檬汁。(看圖)


4.      記住:每一次打糊時都要清理盆邊,要令到糊類都要打得平均。


5.      想蛋糕出來圓一點,鳳梨就不要切得太大了,及用廚紙印乾水份,如果沒有印乾出來的蛋糕會濕濕地。(多謝Joyce 提我呀)



材料:7cm鬆餅摸具6(放滿一點只可以做到4)


 


忌廉芝士        70g


蛋黃                1


檸檬汁            1小匙


香蘭籽油        小許


蛋白                1


砂糖                30g


                    小許


鳳梨                1(切開扇型)



步驟:


1.      忌廉芝士打軟身,加入香蘭籽油混勻,再加入檸檬汁,再以每一隻蛋黃加入後攪拌均勻後再加第二隻蛋黃,真至加完為止;


2.      蛋白加入少許鹽打起泡後,砂糖分3次加入打至企身約9成;


3.      12混合,先將1/3蛋白霜與芝士糊用膠刮刀輕手要快,用切拌法拌勻,再將餘下的芝士糊加入,用同一方法完全混合;


4.      倒入模裡,用170度先焙10分鐘;


5.      取出加入鳳梨粒再放入焙爐再焙25分鐘至金黃色;


6.      脫模放涼。


 


食譜來源:四季乳酪蛋糕輕鬆做(我改了部份材料)


 



星期五, 3月 07, 2008

無啦啦發癲……

哈…哈……又會咁架!竟然比我買到架,這款玻璃蛋糕枱想買好耐好耐,買了個迷你辦都好滿足架啦!但沒有機會遇上現實辦,前幾星期在宜家見到一款,都幾靚,不過就好大,可以放8寸蛋糕都還有餘,但想想,想買都唔好買咁大呀!家中真係沒有地方放呢?


昨天行過日本城,放在門前新的一系列家品中,其中一個就是這個了,看了又看,尺寸不是太大喎!可以放7寸蛋糕,而且底部是用木做的,感覺好天然的氣色,用了9秒9就決定用$99(原來係$99.9先真)……好……買,不過問售貨員有沒有紙盒放好的,原來卻沒有呀!所以回到家中,真係要放出來啦!放在枱面?又怕子曦手多多,放在廚房?又係無位;是否買錯了呢?



星期三, 3月 05, 2008

☆銅鑼燒☆―失敗篇

銅鑼燒失敗篇


 


之前收到Angel 送俾我的羊仔烙印,好想做一次銅鑼燒而可以大派用場,可惜少入廚用鍋的我,控制唔到火路,宣佈失敗。


 



無晒心機呀!但我唔會咁快放棄,我已經買了包pancake粉再做多一次,必定會有成功的一天架。哈……哈……


 


第一個因為太熱而燒焦了……相都無影。


第二個因為第一個太熱而掃了一層油,個面好難看,有一點點油班。



第三個成個型都唔係圓型,因為返倒麵漿而有幾個印添。



第四個先可以見得下人,但都因為返倒麵漿而個邊有個圓。



 


溫馨提示:


1.      用細細火,易潔鍋亦不能太熱,會好容易燒焦;煎了第一個時,要放涼小小先好再煎第二個;


2.      易潔鍋不要加油;


3.      落糊漿時要一次倒落,不要返倒,會有一個個印的;



 


材料:


低筋麵粉        120g


                    2(100g)


砂糖                100g


蜂蜜                1大匙


                    1/4


味醂                1茶匙


老抽                1茶匙


 



               




步驟:


1.      蛋加入砂糖打起至9成,可以拿起寫到個8字為最佳;


2.      加入蜂蜜混勻,再加入味醂、老抽及水混勻,然後篩入低筋麵粉,用打蛋攪拌到滑潤狀態;


3.      拿起盆向抬面輕輕叩4-5次,讓大的泡沫流走;


4.      覆蓋布巾靜止30分鍾;


5.      用湯匙一次加入燒熱的易潔鍋內,煎至起泡向上再返轉煎一煎;(但我未成功)


6.      放入豆沙溶就食得啦!




家庭樂@又係西貢

星期日已是指定的家庭日,必到戶外走走,今天亦是到了西貢放人仔,但坐車時未到西貢已經開始塞車,比平日耐了,不過都好快到了,但就不能開去總站,不知有什麼活動呢?


人仔子曦已經對西貢好熟識,有好多主人放狗仔,大大細細的,好多品種,今天特別多人,唔知係咪天氣開始回暖,人人都愛出動了。


今次子曦對狗沒有太大的雀躍,只是跑跑跳跳,看到一部雪糕車,還問我們係咩車呢架,我話雪糕車呀!本來子曦爸話唔好買比他,因為一買,他認得就會有第二次,可借,做媽媽的必定最愛自己的囝囝的,當然買了一支甜筒比他啦!開心到子曦呀!成支食晒呀!





原來今天有一場街頭表演,名為「大樹街」,是流動的,走到各區作表演,今日是第一場,我們亦選擇坐在大會提供的膠椅子,子曦食着雪糕坐了成個鐘都無動,只看着他們表演,其實子曦看極都係唔會明架啦!但就最愛他們跳舞唱歌,還有一隻人手控制的Cat,還會講嘢添!故事大至是由60年代講到90年代其間的變化,社會變遷,有位地產經紀收唐樓,那位年老的業主講述以前所經歷過的人與事咁啦!總之就都幾好看啦!不過就太陽晒了少少。



日落真係幾靚,子曦爸都影咗好耐先影得咁靚咋。


 


好啦!子曦,太陽伯伯落山返屋企啦!月亮姐姐要出來啦!我哋都要返屋企啦!