★朱古力香蕉蛋糕卷★

★朱古力香蕉蛋糕卷★

嘩……又一突破了，想不到自己從不成功的卷糕蛋，今次做得這樣美味，不但外型吸引，而且味道重好好味添，這個係進入完美的作品呀！

 

食譜要買書參考啦！

反轉屋企廚房整不停

2008年1月1日全人類都放假，包括你同我，我與子曦爸都選擇唔出街，因聖誕真係無時停，無咩時間在家休息，今次就要好好休息下了，但愛左整右整的我，又點可以坐在家中看書呢？

早一晚浸了黃豆，所以一早就整了博多豆槳，要好似博多豆漿咁有豆味，又真係要豆的比例多一點，果真，好有豆味，好正呀！

留下的豆渣用來做了一個麵包，本來真係用來做麵包，但發酵過程無咁起，所以用了來做PIZZA底，做了個豆渣海鮮PIZZA，不過個份量8人都先食得晒呀！結果又係食了半個。

亦見有咁靚的豆漿，所以用麵包機做了個豆漿吐司，嘩……想唔到麵包機的出品都幾好味，立即食，嘩……好好味呀！後來做了個罐頭牛尾湯加牛肉碎，用來配麵包，最後都係無食到。

再用一罐忌廉雞溶湯加一罐忌廉磨菇湯配新鮮南瓜溶做了個湯，嘩……真係好好飲呀！而且煮了個香草波菜意粉配這個湯，淨飲、配意粉都咁正呀！

最終我同子曦爸加人仔子曦又點可以食晒8人份量的食物呢？

成日以為整了就有人食，最終都變了第二日的午餐了。

 

PCM(電腦廣場)訪問內容小報導！

 

回家看了子曦爸買回來的pcm，看看自己的內容報導，雖然大約知道內容，但都有點緊張，不知雜誌會講些什麼呢？什麼報導手法呢？慢慢打開雜誌，看了又看，又幾特別喎！两大篇幅，張個人相重好大張添，自己竟然會在雜誌上，還有好多人會看到呢？

哈……哈……『整餅掌門人』，真係太....太....太過奬啦！

相信大家都不會因為我上雜誌而特登買來看啦！我就張內容的相片放了部份給大家看看啦！多謝支持！

我見大家都好想看到內容，所以今天影大些，比大家看看呀！哈！哈！

下半場

十二月廿七日星期四晚上

我們一行三人(我 / Cindy 及 Diana)又約了將會生日的小妹妹Tan Tan，為她預早慶祝呀！因她們常提起這位是小妹妹的小妹妹呀！因她還比Diana重要年輕。

我們相約在又一城的『EXP』，但之前當然離不開行下街啦！這是女性的特質呀！唔買都行下嗎？雖然都已是12月27日，還有聖誕節的氣氛呀！但好多聖誕禮物都被收起或已賣到七七八八了，我們行了一會，因怕多人無位，亦沒有預訂服務呀，所以我們早一點坐下。

 

第一次見Tan Tan，真係是一個可愛的小妹妹，果真，好年輕，皮膚還好好，我都要好好保養下啦！

我們四位美女當然離不開談天說地，有講有笑。我們亦點了些食物，過得去呀！

因Cindy認識當中的朋友，所以點的是最新鮮的，而且還有免費飲品添。我們傾到9時左右就離開了，因各位都要早早回家休息了。

PCM訪問出晒街啦！

自從得到PCM雜誌的記者在BLOG中留言，亦得到厚愛而訪問我後，子曦爸成日行報攤看看這本雜誌出了我的訪問未，記者之前講過會在聖誕節出的，但都沒有呀！我亦不作追問，出了會好開心，不出亦無咩問題的，但今早子曦爸放假，又行過報攤，看看雜誌，今日終於出咗街啦！

本來這本雜誌出版日是01/1/2008(嘩！這個日子好有紀念價值呀！)，但今天一早就買到了，而且重要係『珍藏版』，我還未看到，子曦爸話在第二冊中的第26頁，重要是左右两大篇幅添！

我未看都好緊張，唔知咁多人看到我個真面目會係點呢？如果大家想看看我的貓樣或內容的報導，你們自己買本看看啦！哈……哈……哈……