星期五, 11月 09, 2007

第一次開班教整餅-美式軟曲

教會好多人都知我識整餅,亦有好多人食過不少,但從沒有叫我開班,因為真係不能升任,而且亦無咁架時間,但某日,Karl打來問我,你星期六下午有咩做架,開工囉!咁呀!……我想搵你負責一個活動可以嗎?唔!……如果工作完成了,都應該無問題架,咁你想我負責咩活動呀!想你教年青人整蛋糕呀!整蛋糕,好大工程喎!又唔係個個一齊做到喎!不如整餅啦!又可以一齊整,又可以人人參與,就係咁!就做咗第一次啦!


呢次的經驗都幾特別,年青人咩都唔知,任我點,咩都要聽,材料由我話事,整完有人快快手洗工具,真係超正呀!


不過最終都因為時間關係由我焙囉,足足焙咗五次呀!死晒!


今次整的是美式軟曲,都幾好味架,第一盆係好軟,但第二盆、第三盆就脆口了,不過原來年青人係喜歡脆口嘢架!一焙完,一下子就食光了。


 


你看!他們幾落力,不過男孩子總是不幫手的。



第一盆幾好樣,重好好味添。



你看他們,年青人就係總不聽話的,整到啲曲奇奇型異狀,連熊仔型都有呀!



星期三, 11月 07, 2007

☆鳳梨卷☆(菠蘿卷Pineapple Rolls)

鳳梨卷(菠蘿卷Pineapple Rolls)


家中買咗個鳳梨已經一個星期,因病了,等到個鳳梨都變熟了,但又未從柏琪手中取得個鳳梨模,唯有繼續等囉,點知上次到家時,認識了catfood.com,食過她帶來的鳳梨卷,雖然鳳梨餡是現成的鳳梨蓉,但都好好食,有她教路的食譜及用一個唧咀就做到了。


所以回家後,找一日先做好個鳳梨餡,因已經買了一個鳳梨,唯有嘗試下自己炒啦!成日心諗,要跟mommy dearest咁,炒成2-3個鐘,先可以用,見到都有啲怕怕呀!但都無計,要開工了。但原來比想像中快好多,只是用了一個小時就已經炒乾身了,好快又方便,而且比起現成的鳳梨餡好有鳳梨味,好有肉感,食落帶有鮮味的甜呀!


但昨天開工做皮時,心諗,都應該好容易呀!但用唧袋及唧咀時就感到好頭暈,唧袋不停爆,唧唧下啲皮又開始溶,雪返又唧唔到,唉……放棄啦!做了十粒就收手,打比柏琪取模先得,真係無得咁上下手藝都做唔到呀!原來做個模係有它的原因架!





食譜要買書參考啦







 


 



星期二, 11月 06, 2007

又呢一次白本屋@3人午餐

係!大家無睇錯,又係白本屋,但今次就同子曦去,因崇拜後無咩好地方可以食午餐,就算有都食過或唔係好想食,而今次去係因為昨晚食過有小許好印象,所以無咩選擇下再去,但當然唔會食返昨晚d食物啦!


今日主角唔係食物咁簡單,又係子曦爸的D80裡的子曦,子曦自從病了成個幾月,都沒有好好與他出外玩,今次他特別活潑可愛,好多表情,好多動作,在我同子曦爸眼中,是一位極可愛的小BB,你看!他是否好得人歡喜呀!





 

中午與子曦舅父及他女友的家人一齊到維園玩,當日天氣非常好,又是影相的好時機啦!


晚上落到灣仔“祥記”食了個中式晚餐,其他食物都係家常便飯,所以無影相,但最特別的是蒸魚腸,表層是脆口的油炸鬼,內裡是雞蛋及魚腸,真係好好味,平時我唔食,亦不是度度有得食,但今次就整得一D都唔腥,雖然膽固醇極高,但十年都唔食一次,算啦!



星期一, 11月 05, 2007

白本屋@俩人晚餐

 


星期六早早開完會,時間都是8時,與子曦爸两個人食一餐好的晚餐,還有1小時多先到奶奶家接回子曦,便到apm六樓的白木屋食日本嘢,這間是第三次食了,第一次是我前年生日與一班肢體食過,當時崗崗新開,但印象中都不平而,第二次食時係與CindyGG見面時食過午餐,印象中細細份,價錢及食物都可以接受。今次再去食晚餐,諗着都係近近地,不用再坐車,而且又想食下日本嘢,咁着都食多次啦!


而今次食飯,子曦爸係第一次與我一齊癲,用他部單鏡影食物,哈……平時响度等我影完先食,今次就到我話食得未呀!原來單返真係靚好多!心思思添!


但今次比我們想像中好喎!食物新鮮,每款都大大碟,而且用某信用卡可以有九拆,我們俩人食了6款食物,都係$3XX咋。


但牛肉煱就鹹了小小。


蟹肉粥就太細煱,有蟹肉但無咩蟹肉味。


蜆肉飯就無咩特別。




以下是子曦爸用單反的作品!


大家比D意見呢!


邊個好D呀!


我自己一定話子曦爸好D啦!


目的係想他買部機比我呀!


哈..哈....多謝晒!


自從多了部D80後除了三得及返工外就機不離身啦!



 


 


星期日, 11月 04, 2007

又呢blog聚@yy cake~邊個想出席呀!!!

上次blog聚都是8月份的事了,


講過如果下次再有blog聚都想食自助餐,



Cindy話食開個度好正,


價錢又唔係太貴,


重有唔知係咪4個人就一人免費添,


不過要Cindy講實地點及價錢啦!


 



 


又是不是要訂位呢?



各位,


如果你哋有興趣,


不如留留言啦!


 



本人就希望星期六或日好啲!


kabe_yoko0001.gif picture by kellyruby
kabe_yoko0001.gif picture by kellyruby
kabe_yoko0001.gif picture by kellyruby


不如我大擔為大家約定11月17日(六)下午!


Tea Buffet,$149+ 10%一位,時間15:30-17:30!


地點:紅磡都會海逸酒店(係紅磡火車站對面)


就咁決定啦!!


不過大家留個電話聯絡


而決定預留位置


你們用私人回應留電話呀


因要訂位啦


現在統計下人數先啦!


1. yy cake (有聯絡電話)


2. Cindy (有聯絡電話)


3.FUNPUCCA (有聯絡電話)


4. A La Claire Fontaine- Wendy (有聯絡電話)


5. 芝麻綠豆官 (有聯絡電話)


6. Cindy (有聯絡電話)