星期六, 7月 21, 2007

☆香蕉鬆餅banana muffins 2☆

小豆苗生日會,豆苗媽不想小bb食太多忌廉的蛋糕,想做一些bb3歲都能食得的蛋糕,所以我提義香蕉蛋糕啦!因亦不想有太多食材,所以選用這個食譜,簡單又好味。


本來想一齊整,但我相信豆苗媽都係唔得閒啦!又辦這個生日會,都好幾晚都沒有好好瞓過啦!唯有由我自作主張啦!


不過昨晚成1130pm先開工,做完、洗完都成115分啦!而家好眼訓。


溫馨提示:



1.      如果想香蕉片在焙時不會變黑,用時先去皮,及立即將香蕉片占小許砂糖,才放入焙爐,就不會變色啦!重好靚添。


2.       香蕉出班點是最香最甜的,確說還有防癌作用添。


 


香蕉鬆餅banana muffins




食譜要買書參考啦



餞別宴

昨晚與老公同事食飯,因有位同事轉工,

昨天是他last day為了餞行,食一餐啦!

因太多人,食物一放下就被人分晒,

到我的時候已經無咗一半,所以有d相好不像樣呀!

但後來知道我要影相,所以就放响我眼前先,

他們真好,還以為我拍下它們,是想跟款式來做給老公食,

….他們全錯了,

這餐的食物咪就係放响個blog到囉。

最好食係包包

遲咗小小來到坐下薯仔皮只等一塊….

….沙律呢架

係咪白酒

抄雜菇

煙肉長通粉

子曦的新車…爸爸在公司帶來的

子曦見我影相都話要同車車影張喎

好明顯就係牛排啦

牛仔骨

拼盆事應幫我地切開咗但好似好雜亂咁

海撒沙律

白酒蜆肉意粉

薄餅



星期五, 7月 20, 2007

8月生日大晒冷!?!?

圖片是在網上尋找亦為原創者所有,若誤觸版權,請通知移除。


 

年紀大,

無理由同自己攪生日會架,

又唔係小朋友,

但見到咁多blog友出來都咁開心,又羨慕、又妒忌、

又好想有個生日會喎,真係好想呀!

點呢?

不如…………

就攪個8月生日大晒冷啦(跟vanlily風先)

各位8月生日的BLOG友,

不如約出來一齊食餐飯呀!

 

唔需要你請,不過講明要AA製;

唔需要送禮物,不過可以交換禮物;

唔需要生日蛋糕,但係可以有蛋糕;

唔需要高級餐廳,不過唔好無冷氣;

唔需要有華麗的裝扮,但唔好唔著衫;

唔需要你係8月生日,亦唔需要你請我哋食飯。

{改返先,唔知係咪呢句話無人參加呀..........

講笑咋,出得呢食飯,點會要你哋請呀,

自己請自己啦,好嗎?}

 

 

我都係講下“姐”,

我都知無人理我啦!


Blog友小豆苗一齊整餅


呢两日好忙呀!星期三無拉拉被Cindy &GG約食飯後,晚上又返學。

星期四又約了小豆苗媽媽整蛋糕,是關她為小豆苗開生日party,想親手做一個蛋糕比小豆苗,但她又放底咗做蛋糕都有幾年,亦未做過忌廉鮮果蛋糕,小豆苗媽媽當然亦未做過海綿蛋糕啦!所以要請我來幫手。忌廉鮮果蛋糕要做得好食,最重要是海綿蛋糕,經上次vanlily的教導,加上自己又改良了小小,信心就大大增加了,而且小豆苗媽媽亦想做過“1”字放在蛋糕上面,好啦!看看自己的實力先。有機會喎!當然唔放過學嘢的機會啦!

星期四早上執完屋,帶子曦到奶奶度,下午小豆苗媽媽放工後再食過午餐(係小豆苗媽媽請),因她話我的幫忙,所以由她請,啍…..又唔早d講,食自助餐嗎?她講:你食得幾多呀!心諗,你請喎,一定食足呀!哈….

原先想做一個A3尺寸的蛋糕,上面有一個“1”字,但叫小豆苗看看家中雪櫃放唔放到先,好在,真係放唔到,所以就決定做一個細小小,大過A4小小啦!

回到家中,已是3時了,要在6時前完成,因我又要返學呀!幸好昨天叫小豆苗媽媽買定些做餅食材,如果唔係呀!買完嘢都成6點啦!快d開工先,先做海綿蛋糕,又切好生果。未做型前,小苗豆想同姐姐(工人)上來玩,但唔知點解上來都上咗半個鐘,都係3層樓"姐"!行樓梯上來都不用半小時啦!小豆苗媽媽做做下都要落去找她們,唔知她們去了那裡呀!問過管理處,話出了街喎!小豆苗媽媽當然要找啦!一去又半個鐘,原來工人聽錯了,去了另一個屋苑呀!幸好工人有電話,如果唔係實找唔到呀!我就响家做呀做呀!返來見到小豆苗,响度玩子曦哥哥D玩具玩得好開心喎!我哋又再做呀做呀!

已經6時啦!都未做個“1”字呀!但就焙好了另一個海綿蛋糕。不如叫小豆苗媽媽帶個忌廉蛋糕返屋企雪一雪先,我而突然想,真係有一刻唔想返學,要完成它呀,但這堂又好重要喎!我當然唔會啦!亦約了放學回家再做呀!

真係好趕,出到旺角一入課室,老師岡岡開聲講書呀!放學就收到小豆苗媽媽電話,話小豆苗爸爸要開O.T ,不如我到她家再續未了餅啦!我回到家中都已經1030PM,食過晚飯,培子曦瞓了,再到她家已經是1115分了,好又開工,幸好出來的蛋糕比預期的靚呀!不過只完成80%,事後就由小豆苗媽媽做啦!返到屋企,瞓得都成100AM了。

你看!個芒果幾大,重好甜添,其實都未係最大,

我買個時見到D真係好大,但因未熟,

所以沒有選它,而這幾個就熟了,而且又係$7隻。

材料已準備好,開始組合了。

你看小豆苗媽媽幾努力上忌廉,小豆苗見到媽媽為她做的蛋糕一定好開心!

做做下要落街搵女呀!

暫時完成一半!要趕返學啦!要走啦!

現在已是深夜1132PM啦!

見到個“1”字出現了,

開始有柱光啦!

本來小豆苗媽媽叫我返屋企,怕我夜呀!

但我D性格,唔做完係唔走架!

你看,又完成了一大步啦!

已有的材料都做好了,

只欠手指餅邊及包絲帶,

同個“1”字內面的裝飾咋,

D就等小苗豆媽媽完成它了。


星期三, 7月 18, 2007

好感動的禮物呀!!!!

我收到電話後非常突然,沒有預備的我,又無禮物,又無做餅,點好呢?當然,常作準備的我,一定有幾樣嘢响身邊或公司,找呀...找呀!見到呢個都幾好喎!小小的坐卡,又靚又別緻,女孩子一定好喜歡啦!

行過APM的奇華,比我見到這個中秋豬仔餅,還有個籃裝着,其實係豬籃先正確呀!見到咁靚,不如買來做禮物都好呀!個籃又可用得返!原來頭先看真D,塊餅真係一隻燒豬仔呢架!好可愛呀!



而我亦收到Cindy為我預先預備的花花水珠,有藍色同橙色,加上Cindy買了两個花籃,她真好,送了一個比我,任我選喎!當然就選個最大啦!其實唔係,因其中一個是紫色,是Cindy的主色,我又點可以取走它呢?我怕Cindy回到家中打自己心口呀!不停講,點解我要送咗最愛的比人啦!

好嘢!可以帶D草返來公司開花店了。


GG亦難唔到她,雖然亦係無拉拉被約,

但她都預備了木糠蛋糕比我哋,真係好開心啦!

雖然只得一杯仔,我都會慢慢食,食真D味道有沒有vanlily味道先。

呢棵花唔係我架,係CindyGG預備的,

因實在太靚,忍唔到手要影一張相留念呀!

Sorry 呀!GGPosted你的至愛出來添!


Cindy 今日無啦啦約人出去.........

在公司做緊嘢的時候,Cindy打來問我會否食晏時去開APM,話拿了花花水珠比我,有嘢收當然得閒啦!

講開原來她約了GG食飯,問我會唔會一齊啦!平時一個人食飯,有Cindy一齊食,加上GG又出來,又想見見她,當然“lei”飯認啦!不過Cindy會遲D到,因在教會查經,要130才到。

後來GG又打來,係啦!點解她會有我電話架,係啦!一定係Cindy啦!不過我都唔介意的,因我哋係有約嗎!GGBOOK咗三間,叫我選一間,第一時間咁問我,又未傾過計就問人選一間,真係不知是好,但原來一間會比到我地一間房仔,咁就“百本屋”啦!我怕我哋好大聲傾計嚇壞人呀!

GG到了,我又跟隨來了,坐下已經不停講啦!原來她都是一早被Cindy打來無啦啦約食飯,而且原來女孩子傾開計係唔需要太熟,只要有共同興趣就可以不停咁講,好似相識好耐咁,好特別呀!

GG又响我公司附近,可以時時約出來食飯啦!

不久Cindy又來到,當然,大家見過CindyBlogger都知她係一個可以唔停講嘢的人,她在教會經過花墟買了好多禮物比我哋(看禮物篇)她就好像一個小天使,專程送禮物來一樣,這次再見她,好像精神好一點,還有氣有力添,講嘢大大聲,好在我哋有一間房仔,如果唔係實嚇親人啦!雖然短短1小時多d,但我哋好開心,又可以食同傾計,又認識多位Blogger啦!

CindyGG,多謝你哋呀!

我哋選了四種食物一齊分享,但都食唔晒呀!

三文魚魚籽飯

燒汁雞飯

牛肉

帶子薄餅