這個人仔又大一歲啦!!上年有為他做了個60人的生日會,
今年都有好多人問我會唔會再開生日會,
我都心大心細,因無咩時間預備,雖然都係我請客,
亦不想朋友買好多玩具呀!!衣服呀!!!!又比利是......等,
但今年未到生日,都已經收到禮物了,
我好喜歡一班朋友相聚,
所以今年都會約一班朋友同子曦食飯呢!!
又諗,為他做一個什樣的蛋糕呢??
他喜歡波波,現在更加喜歡車車,
如果要做一輪車,我就頭痛啦!!
好像做個波波蛋糕會容易好多喎!!!點呢????點呢?????
這張相片是上個星期17/5/07為子曦剪頭髮時拍下的.
他以前不喜歡媽媽為他剪頭髮,令次他坐定定被媽媽剪,
但就不要那個包着脛的膠圍巾,所以剪到成身都係.
你看....我靚唔靚仔.
這套迷你蛋糕於好幾個月在blog友見過之後,就念念不忘,特意去過好多間店找尋,卻落空而回,而且這套蛋糕亦不出了,只好得個恨字,但有次行開將軍澳某商場,被我發現了,看了好耐,都是沒有買,為何.....因價錢比原價貴好多,原價$179(有十盒),但這間賣一盒都$22(十盒都要成$222),諗了一两個月,昨天再去看看,還重有貨添,真係好想買,當我問個sales時,我話想要一套,她講,一套有9拆,只是$198,念念下,問下老公,都係買啦!!因今次唔買,下次可能真係無機會了,因四處都無貨,而且我還買多一個蛋糕架放添,打開個蛋糕架,原來都有幾款餅添,真係好開心,你看,幾靚,幾似,幾................正!回到家中,因子曦在家他會倒蛋,所以要他睡了才開始妝飾,真係好精細,好迷你,你看看最後一張相,子曦的两歲人仔的手指比例就知道這款迷你蛋糕又幾迷你啦!!!
